Shefja e deputetëve të Lëvizjes Vetëvendosje, Arbërie Nagavci tha se, si sot 18 vjet më parë, më 17 shkurt 2008. Kosova e shpalli vullnetin e saj të lirë për të qenë shtet i pavarur, sovran e demokratik.
“Akt historik që kurorëzoi sakrificën shekullore të popullit tonë, për liri, dinjitet e vetëvendosje. Kjo ditë është një kujtesë e gjallë e rrugëtimit tonë të vështirë, e qëndresës së brezave të tërë, luftës së pastër e të drejt të Ushtrisë Çlirimtare dhe gjakut të derdhur për lirinë që sot e gëzojmë, është dita që na kujton sakrificën e familjes Jashari, dëshmorët e martirët, të mbijetuarit e dhunës seksuale, 1133 fëmijët e vrarë”, tha ajo.
Nagavci shtoi se Kosova ka dëshmuar se di të qëndrojë e fortë edhe në kohët më të vështira. “Me unitet punë e vizion të qartë ne do ta qojmë përpara ëndrrën e atyre që sakrifikuan gjithçka për këtë ditë”.
Ajo tha se Kosova po forcohet çdo ditë e më shumë, si brenda ashtu edhe në arenën ndërkombëtare.
