Qeveri e Kosovës sot mori vendim që t’i rris të gjitha kategoritë e pensioneve së paku 20 % ndërsa Ministri i Financave, Punës dhe Transfereve Hekuran Murati ka deklaruar se përveç rritjes prej 20%, për familjet e dëshmorëve dhe familjet e të zhdukurve të UÇK-së që kanë më shumë se një familjar dëshmor apo të zhdukur, do të ndryshojë edhe formula e llogaritjes për anëtarët tjerë.
Nëpërmjet një postimi në facebook Murati ka thënë se nga sa është tash 20% e bazës për anëtarin e dytë, e nga 10% për të tjerët, shtesa do të llogaritet si 50% e bazës për secilin anëtar tjetër dëshmor apo të zhdukur, deri në nivelin e familjes me më shumë se 4 dëshmorë apo të zhdukur të UÇK-së.
