Ministri në detyrë i Financave, Hekuran Murati, ka reaguar pas disa raportimeve dhe komenteve në rrjete sociale lidhur me një deklaratë të tij të para tre viteve për pagën minimale, transmeton KosovaNews.
Ai ka thënë se disa analistë dhe portale janë ngazëllyer duke e paraqitur deklaratën e atëhershme si kundërthënie me propozimin aktual për pagë minimale prej 500 euro në vitin 2026.
Megjithatë, Murati ka theksuar se rrethanat atëherë dhe tani janë krejtësisht të ndryshme.
“Kur nga disa deputetë kërkohej që paga minimale të bëhej 500 euro para 3 viteve, paga minimale në fuqi ishte 170 euro, ndërsa paga mesatare ishte 484 euro. Pra, kërkohej një pagë minimale më të lartë sesa vetë paga mesatare, që përbënte shkarje logjike dhe kapërcim të papërballueshëm për bizneset”, ka shkruar ai.
Sipas tij, situata aktuale është ndryshe, pasi paga mesatare tash është 639 euro dhe propozimi për rritje është i fazuar në dy hapa – fillimisht nga 350 në 425 euro, e më pas në 500 euro.
“Propozimi i tashëm nuk është shkarje logjike, sepse nuk është mbi pagën mesatare, dhe rritja është graduale, e jo trefishim përnjëherë”, ka theksuar Murati.
Ai ka përmbyllur reagimin duke thënë se analizat që po bëhen për të gjetur kundërthënie në qëndrimet e tij janë të gabuara, “sikurse çdo herë”./KosovaNews/
Reagimi i Plotë:
