Qeveria e Serbisë dhe Ministria serbe e Punëve të Brendshme kanë dalë të mërkurën me njoftime të ndryshme lidhur me regjistrimin e targave për qytetarët serbë në veri të Kosovës.
Derisa Ministria ka thënë se nuk do të bëhet regjistrimi me këto targa, në anën tjetër Qeveria përmes një njoftimi ka thënë se do të vazhdohet regjistrimi i të gjitha automjeteve me “shënjimin KM, PR, GL dhe emrat e qyteteve të tjera”.
Këto automjete, si më parë, do të mund të lëvizin lirshëm në komunikacion, me posedim të policës së sigurimit të detyrueshëm dhe dëshmisë së kontrollit teknik të mjetit, jo më e vjetër se një vit. Qeveria e mori vendimin në përputhje me rregulloren për regjistrimin e automjeteve të autoriteteve kompetente të Republikës së Serbisë, si dhe marrëveshjen e arritur në kuadër të dialogut ndërmjet Beogradit dhe Prishtinës për parandalimin e përshkallëzimit të situatës dhe vazhdimin e kërkimit për zgjidhje të përhershme të çështjes së targave të automjeteve”, thuhet në njoftim.
MPB-ja e Serbisë del me njoftim për targat me akronime të qyteteve të Kosovës
Ministria e Punëve të Brendshme ka njoftuar se nuk do të vazhdohet regjistrimi i automjeteve me targa të lëshuara nga Serbia.
Rregullorja e lartpërmendur, njoftohet se hyn në fuqi sot (7 dhjetor).
Sipas njoftimit, kontrollet teknike nuk do të mund të lëshojnë fletëregjistrime, pasi nuk do të jetë e mundur të regjistrohen automjetet me targa të qyteteve të Kosovës.
”Lidhur me këtë, ju njoftojmë se në kontrollet teknike të autorizuara për lëshimin e afisheve të regjistrimit, duke filluar nga data 07.12.2022 nuk do të jetë e mundur të vazhdohet regjistrimi i automjeteve, gjegjësisht inspektimet teknike nuk do të mund të lëshojnë afishe regjistrimi për automjetet që kanë targa me emërtimet e qyteteve dhe komunave”, thuhet në njoftim.
Gjithashtu, sipas njoftimit, “inspektimet teknike që janë të autorizuar të lëshojnë afishe regjistrimi nuk do të munden që për automjetet që kanë targa me emërtimet e qyteteve dhe komunave në aplikacionin ‘Paguaj’, të gjenerojnë fletëpagesa të unifikuara lidhur me për regjistrimin e automjetit”.
