Ministrja e Ekonomisë, Artane Rizvanolli, ka thënë e si ministri kanë punuar që nga dita e parë për krijimin e mundësive për prodhim të energjisë së pastër.
Ajo këtë e ka thënë me rastin e lansimit të thirrjes publike për mbështetje të konsumatorëve familjarë dhe ndërmarrjeve të vogla e të mesme për investim në sisteme të energjisë së ripërtërishme.
“Fokusi është tek sistemet solare fotovoltaike, por mos i harroni edhe sistemet solare për ngrohje të ujit sanitar… Prej marrjes së mandatit ka qenë kërkesë se kur do të përkrahen qytetarët që të prodhojnë energji të pastër. Përgjigja ka qenë standard: Do ta bëjmë edhe këtë. Barrierat administrative kanë qenë shumë të larta dhe dëshironim që të mos ngutemi. Tri vjet pas fillimi të mandatit është bërë shumë në këtë aspekt nga të gjitha institucionet relevante”, është shprehur ministrja Rizvanolli.
