Me ceremoni zyrtare Ministri i Mbrojtjes, Ejup Maqedonci, ka pritur në takim Ministrin e Mbrojtjes së Kroacisë, Ivan Anušić.
Ministri i Mbrojtjes, Ejup Maqedonci në këtë takim ka thënë se Republika e Koracisë ka qenë dhe mbetet një prej shteteve më përkrahëse të Kosovës
“Mikun tonë ministrin e mbrojtjes Anusic, Republika e Kosovës me Republikën e Kroacisë ndajnë të njëjtat interesa. Republika e Koracisë ka qenë dhe mbetet një prej shteteve më përkrahëse të Kosovës. Prezenca e ushtarakëve kroate në kuadër të KFOR-it ka kontribuar në vazhdimësi ne krijimin e një ambienti stabilë te Kosovës kurse në aspektin e mbrojtjes kemi marrëdhënie të shkëlqyera”.
Ministri tutje ka thënë se po thellohen më tutje raportet me Kroacinë duke e pasur mbështetjen e popullit dhe qeverisë kroate qe nga themelimi i shtetit.
Ndërkaq Ministri i Mbrojtjes së Kroacisë Ivan Anušić, falënderoi Republikën e Kosovës për bashkëpunimin e deri tanishëm.
“Republika e Kosovës është miqësore me Kroacinë, do të kemi qëllime të përbashkëta, se këto janë gjerat që përfshijnë integrimin e Kosovës në NATO, do e mbështesim Kosovën si dhe popullin tonë që jeton në Kosovë”.
