Ministri i Punëve të Jashtme të Mbretërisë së Suedisë, Tobias Billström gjatë ditës së sotme do të qëndrojë për vizitë në Kosovë.
Ministri suedez pritet të mbërrijë në aeroportin “Adem Jashari”, në orën 13:00, dhe më pas do të zhvillojë takim me ministren e Jashtme dhe Diasporës, Donika Gërvallën.
Siç njofton MPJD, Pas takimit të dy ministrat do të mbajnë konferencë për media e cila pritet të nisë nga ora 14:25.
Ndërkaq më vonë, në orën 15:35 edhe kryeministri i Republikës së Kosovës, Albin Kurti, pret në takim ministrin suedez, Tobias Billstrom.
Suedia deri në qershor është kryesuese e presidencës së BE-së.