Ministri i Mjedisit, Planifikimit Hapësinor dhe Infrastrukturës, Liburn Aliu, së bashku me ministrin e Ministrisë së Punëve të Brendshme, Xhelal Sveçla, kanë vizituar komunën e Zubin Potokut dhe atë të Leposaviqit. Gjatë vizitës, të dy ministrat, panë nga afër asfaltimin e rrugëve në Jasenovik dhe Syriganë, të cilat pritet të shkurtojnë lëvizjen e të gjithë banorëve, në veçanti të komunitetit lokal.
“Bashkë me, ministrin e Ministrisë së Punëve të Brendshme, z. Xhelal Sveçla, ishim në vizitë në komunat veriore të Republikës së Kosovës, në Zubin Potok dhe Leposaviq. Nga kjo vizitë, pamë nga afër asfaltimin e rrugëve në Jasenovik dhe Syriganë, rrugë që do të shkurtojnë lëvizjen e të gjithë banorëve, në veçanti të komunitetit lokal”, ka thënë ministri Aliu.
Po ashtu, ministri ka treguar se i kanë vizituar edhe Cerajën, Koshtovën, Bistricën e Vllahisë, Dedin dhe Magjerën, fshatra këto që përmes kësaj ndërlidhje të rëndësishme do të kenë qasje më të shpejtë dhe më të lehtë me komunën e Mitrovicës.
“Mbesim të përkushtuar në angazhimin tonë të përditshëm për një jetesë më të mirë për të gjithë qytetarët, në përputhje me ligjet në fuqi, si dhe për zhvillimin e mëtejshëm ekonomik të vendit.
