Milan ende nuk ka lëvizur seriozisht në merkato, me drejtuesit të cilët po punojnë në disa “pista”. Emri më i ri për mesfushën është Eljif Elmas.
Mesfushori nga Shkupi, i cili luan prej tre sezonesh te Napoli duket se ka impresionuar “kuqezinjtë” dhe tashmë bëhet fjalë për një objektiv real.
Mediet italiane kanë bërë të ditur se kampionët e Italisë e kanë ndjekur me vëmendje sezonin e kaluar dhe 22-vjeçari i ka të gjitha cilësitë që drejtuesit e “Djallit” kërkojnë.
Ishi i Rabotnicki dhe Fenerbahce ka bërë mirë në Itali, me Napolin, me 126 ndeshje dhe 11 gola në të gjitha kompeticionet.
Milan kërkon diçka konkrete dhe drejtuesit, me në krye Paolo Maldinin pritet të nisin këtë fundjavë bisedimet me Napolin dhe agjentin e lojtarit nga Maqedonia e Veriut, për të bërë hapin e parë drejt Elmas.
Mesfushori me tipare sulmuese ka kontratë me napolitanët deri në qershor 2025 dhe vlerësohet në treg, 25 milionë euro./fanatikipress/