14 prilli është dita e shënimi të të mbijetuarve të dhunës seksuale gjatë luftës në Kosovë dhe pikërisht në përkujtim të kësaj dite është vendosur edhe memoriali në Prishtinë ‘’Heroinat’’ ku edhe sot si në çdo vit tjetër liderët qendror e lokalë bënë homazhe.
Por ajo që është vërejtur për një kohë të gjatë është mungesa e mirëmbajtjes së këtij memoriali i cili është në menaxhimin e Komunës së Prishtinës.
Mirëmbajtja e këtij memoriali shpesh është lënë në mëshiren e ndonjë aksioni vullnetar ku jo më larg se dje aktivistet e organizatës së Grave të Vetëvendosjes në Prishtinë, pastruan grafitet rreth memorialit “Heroinat”.
Burime të KosovaNews kanë kuptuar se tashmë ka kohë që Ministria e Kulturës i ka kërkuar Komunës së Prishtinës që menaxhimin e këtij memorali ta kalojë tek ky institucion , por ende nuk ka marrë ndonjë përgjigje.
Ndërkaq, ajo çka edhe këtë përvjetor shohim janë mbishkrimet, shkarravitjet që janë bërë përreth këtij memorali e për të cilat nuk është përkujdesur askush.
