“Edhe këto janë fryte të shefit të Hykmetes siç ishte edhe kjo me ‘Komercialna Bankën'”
Pasi Banka Qendrore e Kosovës (BQK) njoftoi se ka përfunduar vullnetarisht veprimtaria bankare e shërbimit me klientë e “Komercijalna Banka AD Beograd” dega në Mitrovicë reagoi deputetja e LDK-së, Hykmete Bajrami. Ajo tha se mbyllaja e kësaj banke nuk është rezultat i veprimeve të Qeverisë apo BQK, por, se është “veprim i natyrshëm që ka filluar tashmë që nga shitja e kësaj banke përmes likuidimit vullnetar”.
Bajrami thotë se Qeveria s’ka merita për mbylljen e “Bankës Komerciale” të Serbisë
E deputetes i reagoi zëdhënësi i Vetëvendosjes, Arlind Manxhuka, duke i thënë se edhe në vitin 2016 “ishte veriu i çliruar siç duket por ne nuk e pamë, po e shohim veç tash”.
“Edhe atëherë ishte veriu i çliruar siç duket por ne nuk e pamë, po e shohim veç tash. Edhe këto janë fryte të shefit të Hykmetes siç ishte edhe kjo me ‘Komercialna Bankën’”, ka shkruar Manxhuka në facebook, teksa ka shpërndarë një kronike të lajmeve, ku bëhet fjalë për ish-kryeministrin, Isa Mustafa, që kishe shkuar të përuronte urën që lidhte Leposaviqin me Zveçanin.
Por, kryeministri i atëhershëm, siç thuhet në kronikë, kishte shkuar në përurim duke përdorur rrugët alternative për shkak se disa qytetarë serbë kishin bllokuar rrugën Zveçan – Leposaviq.
