Manchester City thuhet se ka arritur marrëveshje mbi kushtet personale me yllin e Nottingham Forest, Morgan Gibbs-White.
Drejtuesit e Cityt dhe trajneri Pep Guardiola nuk e kanë ndërmend të ndalen në këtë afat kalimtar, pasi synojnë të përforcojnë edhe më shumë skuadrën.
Pas transferimeve të mëdha si Marcus Bettinelli, Rayan Ait-Nouri, Rayan Cherki dhe Tijjani Reijnder, City është gati edhe për një goditje.
Sipas mediumit TEAMtalk, mesfushori me tipare sulmuesi i Nottingham Forest, Gibbs-White, ka rënë dakord për kushtet personale me Cityn.
Burimi raporton se ndërsa një marrëveshje midis klubeve nuk është arritur ende, anglezi ka marrë vendimin për t’u bashkuar me klubin nga Etihad.
Në sezonin e kaluar të Ligës Premier, 25-vjeçari luajti në 34 ndeshje, duke shënuar shtatë gola dhe duke dhënë dhjetë asistime
