Sot bëhen një muaj nga dakordimi në Ohër të Maqedonisë së Veriut, mes Kosovës dhe Serbisë, ku palët kanë arritur pajtueshmëri për Marrëveshjen për normalizim të marrëdhënieve që ishte arritur më 27 shkurt në Bruksel.
Kryeministri i Kosovës, Albin Kurti, tha sot i mbetet faktorit ndërkombëtar që ta detyrojë Serbinë që të zbatojë marrëveshjet.
“Bëhet fjalë për një marrëveshje me gjithë aneksin e saj e cila nuk paraqet një tërësi të elementeve por paraqet një pako të cilën nuk mund të shkëputësh asnjë pjesë. Shpresoj se do të jetë shumë shpejt i themeluar edhe ky ekip, komunitet, komision i cili do të jetë si mekanizëm për zbatim dhe pse jo të behët edhe më herët se sa takimi i ardhshëm i nivelit të lartë në Bruksel”, tha Kurti,
Kryeministri i Kosovës, Albin Kurti, tha se Kosova është zotuar për zbatim të marrëveshjes.
“Qartazi bëhet fjalë për një marrëveshje me gjithë aneksin e saj si pjesë integrale, e cila nuk paraqet një tërësi të elementeve, por paraqet një pako në të cilën nuk mund të shkëputet asnjë pjesë. Ne jemi zotuar dhe e kemi përsëritur qëndrimin tonë për zbatim të plotë të kësaj pakoje, të kësaj marrëveshje bazë dhe aneksit përkatës për implementim dhe tash besoj që fjalën e ka Brukseli që ta detyrojë Serbinë për këtë”, theksoi ai.
