Kryeministri i vendit Albin Kurti ka thënë të enjten se procesi i dialogut Kosovë-Serbi asnjëherë nuk ka qenë më transparent, sa i përket institucioneve të Kosovës.
Ai bëri këtë deklaratë deri sa përgjigjej në pyetjen e deputetes së Partisë Demokratike të Kosovës, Ariana Musliu-Shoshi.
“Jemi treguar transparent ndaj qytetarëve dhe publikut. Kemi treguar gatishmëri ndaj partive opozitare dhe kemi treguar kujdes që të mos dëmtohet procesi dhe as interesat tona”, është shprehur Kurti, raporton KosovaNews
Derisa në pyetjen e deputetes Musliu-Shoshi, për Asociacionin e Komunave Serbe, kreu i ekzekutivit është shprehur sikur ditë më parë.
“S’kam qëndrim të ri. Jemi përgjigjur pa numër herë. Nuk kam përgjigje të re. Asociacioni nuk e ka kaluar testin e Gjykatës Kushtetuese, është shpallur antikushtetues”, ka thënë ai.
Por me insistimin e deputetës opozitare që të ketë më shumë transparencë për propozimin franko-gjerman, Kurti shprehu gatishmëri që të jap më shumë informata për të gjithë deputetet, nëse ata njuik janë njoftuar nga liderët e partive të tyre.
“Kam pasur në takim të tre liderët e të tri partive opozitare ku kemi diskutuar edhe për atë përmbledhje të propozimeve dhe ideve që të mënyrë të popullarizuar njihet si propozim franko-gjerman. Po ashtu edhe nëpër seanca e debate parlamentare kam marrë pjesë në diskutim. Unë i përmbahem transparencës dhe në anën tjetër konfidencialitetit të bisedimeve. Nëse ju e konsideroni të nevojshme që përtej asaj që ju kanë informuar liderët e partive tuaja ose nëse konsideroni se nuk ju kanë njoftuar si duhet, atëherë mund të mbajmë seancë të Kuvendit edhe të hapur edhe më dyer të mbyllura si të doni. Por nuk mund të thoni se s’ka transparencë”, është shprehur kryeministri Kurti./KosovaNews/
