Ministrja e Arsimit, Arbërie Nagavci dhe ajo e Ekonomisë, Artane Rizvanolli bashkëbiseduan sot me nxënësit e shkollës “Faik Konica”, për kursimin e energjisë elektrike.
Këtë e ka bërë të ditur vetë Nagavci përmes një statusi në Facebook, ku tutje tha që i kanë përgëzuar fëmijët për fushatën e tyre për vetëdijësimin dhe kursimin e energjisë.
“Është shumë e rëndësishme që edhe nxënësit të jenë të kujdesshëm ndaj efiqiencës së energjisë dhe të ndikojnë në kursimin e energjisë elektrike. Fëmijët jo vetëm se kursejnë energjinë, por japin kontribut edhe në vetëdijësimin e familjeve dhe bashkëmoshatarëve të tyre. Aktivitete e nxënësve ishin të shumta e me rezultate konkrete tashmë. Jam e bindur se kreativiteti i nxënësve në të ardhmen do të sjellë rezultate edhe më të mëdha në inovacion”, ka shkruar Nagavci.
Ajho shtoi se bashkë me ministren Rizvanolli do të vazhdojmë aktivitetet e vizitat në komunat tjera.
“Uroj që shembullin e nxënësve dhe mësimdhënësve të shkollës “Faik Konica” ta ndjekin të gjitha shkollat në Kosovë”, ka thënë mes tjerash ajo.
