Kryetari i komunës së Gjilanit, Alban Hyseni ka dhënë lajmin se kësaj komune i janë shtuar edhe 20 profesionistë nga fusha e shëndetësisë, raporton KosovaNews
Ai tha se nga numri total, 5 janë mjekë të përgjithshëm, 10 infermierë, 3 teknikë laborantë dhe 2 teknikë të farmacisë.
“Të gjithë këta tani e tutje do të ofrojnë shërbime në QKMF për të gjithë qytetarët të cilët kanë nevojë. Ne do vazhdojmë të plotësojmë vendet e lira në personelin shëndetësor, njëkohësisht duke rritur kualitetin e shërbimeve profesionale dhe duke ofruar kushte cilësore për të gjithë ata që japin shërbime”, ka thënë kryetari Hyseni.
