Në mbledhjen e sotme të Komisionit të Pavarur për media e cila ka filluar qysh në orën 13 dhe po vazhdon ende ku janë duke u shqyrtuar shumë pika të rendit të ditës e ndër të tjera edhe vazhdimi i licencës për operatorin kabllor “Art Motion”, Radio Klan Kosova Prishtinë, Radio Klan Kosova Deçan.
Gjatë raportimit kryeshefit të KPM-së Faruk Rexhaj tha se Policia e Krimeve Ekonomike ka vizituar këtë institucion dy herë ku ka marrë edhe dokumentacionin e kërkuar.
“Unë mendoj se nuk është sekret pasi që policia e krimeve ekonomike ka qenë për vizita dy herë në KPM pikërisht për rastin e mësipërme dhe kanë kërkuar dokumentacionet e nevojshme ashtu siç kanë kërkuar edhe nga kuvendi i Kosovës dhe organizatat e tjera joqeveritare, raportet dhe dokumentacionet i kemi ndarë për organet e rendit prandaj rasti është duke u hetuar nga organet dhe çdo vendim marrje që vjen nga organet e rendit ne jemi të detyruar me respektu si të tillë mirëpo deri në atë moment duhet trajtuar si raste për vazhdimin e licencës” ka thënë gjatë mbledhjes kryeshefi i KPM Faruk Rexhaj.
KosovaNews në muajin qershor të këtij vitin publikoi një seri hulumtimesh ekskluzive për rastin e Klan Kosova dhe Art Motion pronësia e të cilave doli të jetë e regjistruar me pasaporta të strukturave paralele serbe me adresa “Djakovica Srbia” “ Peç Srbia”.
