Kryeministri i Kosovës, Albin Kurti, ka theksuar se Lëvizja Vetëvendosje është duke vazhduar luftën kundër fashizmit të sotëm, jo vetëm brenda vendit, por edhe jashtë vendit.
Më 25 Prill, Dita e Çlirimit të Italisë dhe 50-vjetori i Revolucionit të Karafilit në Portugali siç ka thënë kryeministri Kurti janë shënime të rëndësishme në historinë e luftës kundër diktaturave dhe fashizmit në Evropë.
Ai në një postim në platformën X, ka theksuar se partia e tij vazhdon të jetë në të njëjtën frymë.
“25 Prilli është Dita e Çlirimit të Italisë, fitorja mbi fashizmin në ’45; dhe Portugalia festoi 50-vjetorin që kur Revolucioni i Karafilit rrëzoi diktaturën më jetëgjatë në Evropë. Në të njëjtën frymë, Lëvizja Vetëvendosje e Kosovës vazhdon të luftojë fashizmin e sotëm – brenda dhe jashtë vendit”, ka shkruar kryeministri Kurti në platformën X.
The 25th of April is 🇮🇹's Liberation Day, the victory over fascism in '45; & 🇵🇹 celebrated 50 years since the Carnation Revolution toppled the longest-lasting dictatorship in Europe. In that same spirit, 🇽🇰's @LVetevendosje continues to fight today's fascism—at home & abroad.
— Albin Kurti (@albinkurti) April 26, 2024
