Kryeministri i Kosovës, Albin Kurti, ka reaguar për sulmin e të dielës në kryeqendrën e Turqisë, Ankara, ku mbetën të lënduar dy policë.
Sulmi ndodhi në afërsi të Parlamentit të Turqisë. Siç është njoftuar nga autoritetet turke, bëhet fjalë për sulm terrorist. Është thënë se një sulmues e ka hedhur veten në ajër, ndërsa një tjetër është neutralizuar.
“I trishtuar me të mësuar për sulmet terroriste në Ankara të Turqisë, por i lehtësuar se dëmi i synuar u shmang kryesisht falë institucioneve turke. Mendja jonë është me policët e lënduar dhe u urojmë shërim të shpejtë”, ka shkruar Kurti në platformën “X”.
Saddened to hear about the terrorist attacks in Ankara, Türkiye, but relieved to learn that the intended damage was largely averted by Turkish institutions. Our thoughts are with the injured policemen, and we wish them a swift recovery.
— Albin Kurti (@albinkurti) October 1, 2023
