Kryeministri i vendit, Albin Kurti derisa ka folur për kamionët ushtarakë gjermanë RheinMetall MAN HX2 të blerë dhe të pranuar si donacion nga Gjermania, ka thënë se ata janë mbrojtje dhe siguri për shtetin.
Me anë të një postimi në Facebook, Kurti ka thënë se modernizimi dhe fuqizimi i ushtrisë janë qenësore drejt objektivit për anëtarësim në NATO.
“Pas inaugurimit të Qendrës Shtetërore Trajnuese për Siguri Kibernetike, bashkë me ministrin e Mbrojtjes, Ejup Maqedonci dhe komandantin e Forcës së Sigurisë së Kosovës, Gjeneral Lejtënant Bashkim Jashari pamë nga afër flotën e kamionëve ushtarakë multifunksional RheinMetall MAN HX2, 8X8 të cilët i janë shtuar arsenalit të ushtrisë. Kamionët ushtarakë RheinMetall MAN HX2 janë prodhim gjerman, ku nga 15 gjithsej, 10 janë blerë me buxhet të shtetit, ndërkaq pesë janë donacion. Modernizimi dhe fuqizimi i ushtrisë sonë, janë qenësore drejt objektivit për anëtarësim në NATO”, ka shkruar Kurti.
15 kamionë ushtarakë të prodhimit gjerman i janë shtuar Kosovës. 10 të blerë nga buxheti i shtetit e pesë donacion.
Lexoni edhe:
