Qeveria e Kosovës ka miratuar të mërkurën formimin e Komisionit Ekzekutiv për Shëndetësi.
Vetë kryeministri Albin Kurti ka thënë gjatë mbledhjes së Qeverisë se komisionin do ta udhëheq ai.
Shefi i ekzekutivit tha se takimi i parë do të mbahet pasditen e së mërkurës.
“Si kryeministër propozoj që të themelohet komisioni ekzekutiv për shëndetësi. Ky komision ka këto përgjegjësi: e para të bëjë analizën dhe ndarjen bashkëpunimit publiko privat. Reformimin e SHSKUK-së përmes fuqizimit të QKUK-së dhe spitaleve rajonale, zhvillimin e sektorit publik të shëndetësisë, themelimin e spitalit rajonal të Prishtinës”, ka thënë Kurti.
