Në mbledhjen e së premtes së javës së kaluar Komisioni i Pavarur i Mediave (KPM) në një mbledhje maratonë e cila zgjati për rreth 10 orë u morën një sërë vendimesh gjatë shqyrtimit të dhjetëra pikave të rendit të ditës.
Në njoftimin e dhënë nga KPM thuhet se Komisioni ka trajtuar disa pika të rendit të ditës: raste për ripërtëritje të licencës dhe raste ligjore, shkelje të kodit të etikës etj.
Pas shqyrtimit Komisioni ka miratuar kërkesat për ripërtëritje të licencës për: Radio 7 Kosova, Radio Furtuna, Radio Bambus dhe Radio Llapi. Ndërsa ka shtyrë për vendimmarrje në mbledhjen e radhës kërkesat për ripërtëritje të licencës nga: Radio Alba, Radio Klan Kosova Prishtinë, Radio Klan Kosova Deçan dhe operatori i shpërndarjes Art Motion.
Me insistimin e anëtarës së bordit të KPM Luljeta Aliu nga pikat e rendit të ditës u hoqën rasti i licencimit të Radio Klan Kosova Prishtinë, Radio Klan Kosova Deçan dhe operatori i shpërndarjes Art Motion. Kjo u bë për shkakun se për këto kompani të cilat janë në pronësi të kompanisë e cila e ka në pronësi edhe Klan Kosovës janë kërkuar dokumentacione nga ARBK dhe mbeti për tu shqyrtuar në mbledhjen e radhës.
Mbi 30 mijë euro ishin gjobat dhe sanksionet që vendosi KPM-ja ndaj dhjetëra mediave audio-vizive të cilat nuk respektuan kodin e etikës dhe shkelën ligjin e KPM-së duke ndryshuar pronësiën pa miratim paraprak të këtij institucioni. Kështu Klan Kosova u dënua me 5000 euro , pasi ka gjetur se është transmetuar gjuhë vulgare dhe ofenduese para kufizmit të kohës në emisionin “Big Brother Kosova”.
Gjobës nuk i shpëtuan as televizionet tjera si TV Dukagjini, T7, Kanal 10, Dasma TV, TV llapi etj.
•Top Radio, ndryshim të pronësisë, pa miratim paraprak të KPM-së – sanksionohet me gjobë 1000 euro.
•TV Llapi, ndryshim të pronësisë, pa miratim paraprak të KPM-së – sanksionohet me gjobë 2000 euro.
•Dasma TV, ndryshim të pronësisë, pa miratim paraprak të KPM-së – sanksionohet me gjobë 2000 euro.
•TE 7, ndryshim të pronësisë, pa miratim paraprak të KPM-së – sanksionohet me gjobë 5000 euro.
•BB Herc, ndryshim të pronësisë, pa miratim paraprak të KPM-së – sanksionohet me gjobë 5000 euro.
•Job Net, ndryshim të pronësisë, pa miratim paraprak të KPM-së – sanksionohet me gjobë 3000 euro. •Radio Capital FM, ndryshim të pronësisë, pa miratim paraprak të KPM-së – sanksionohet me gjobë 1000 euro.
•Radio Dukagjini, ndryshim të pronësisë, pa miratim paraprak të KPM-së – sanksionohet me gjobë 2000 euro.
•TV Dukagjini, ndryshim të pronësisë, pa miratim paraprak të KPM-së – sanksionohet me gjobë 3000 euro. •Radio Mir, ndryshim të pronësisë, pa miratim paraprak të KPM-së – sanksionohet me gjobë 1000 euro.
•TV Mir, ndryshim të pronësisë, pa miratim paraprak të KPM-së – sanksionohet me gjobë 1000 euro.
•Radio Impuls, ndryshim të pronësisë, pa miratim paraprak të KPM-së – sanksionohet me gjobë 1000 euro. •Radio Vizion, ndryshim të pronësisë, pa miratim paraprak të KPM-së – sanksionohet me gjobë 1000 euro.
Më poshtë njoftimi i plotë i KPM:
