Policia e Kosovës ka njoftuar se zyrtarët policor të rajonit Prishtinës , gjatë javës së kaluar në lokacione të ndryshme e aksione të ndara, kane sekuestruar 16 armë zjarri, të llojeve dhe kalibrave të ndryshëm.
Siç njofton policia, gjatë javës së kaluar janë realizuar 156 urdhëresa të gjykatës, prej tyre 54 urdhëresa për vepra penale, ndërsa të tjerat për kundërvajtje, seanca, verifikime etj.
“Konform urdhëresave, pas përfundimit të procedurave policore, personat e dënuar me burgim janë dërguar për vuajtje të dënimit, ndërsa personat e dënuar me gjobë, janë liruar, pasi të njëjtit kanë kryer obligimet e caktuara në urdhëresa”, thuhet në njoftim.
“Ndërkohë që aktivitete policore janë shtrirë edhe në segmente të tjera të sigurisë. Gjatë periudhës ësë njëjtë, janë sekuestruar 16 armë zjarri, të llojeve dhe kalibrave të ndryshëm”, theksohet në njoftimin e policisë.
Tutje, bëhet e ditur se në po të njëjtën periudhë kohore, policia rrugore ka shqiptuar 4541 masa administrative me gjobë për lloje të ndryshme të kundërvajtjeve dhe shkeljeve të kodit rrugor.
