Konfiskohen 180 copë veshmbathje, dyshohet se ishin imitim i markave ndërkombëtare

Dogana e Kosovës ka sekuestruar 180 copë veshmbathje të dyshuara si produkte të kontrabanduara dhe imitim i markave të njohura ndërkombëtare.Sipas njoftimit të Doganës, veshmbathjet ishin pa asnjë dokumentacion derisa ato dyshohet se shkelin të drejtat e pronësisë intelektuale.Dogana e Kosovës ka theksuar se luftimi i tregtisë së paligjshme dhe mbrojtja e të drejtave të pronësisë intelektuale janë pjesë e përpjekjeve të përditshme për një ekonomi të ligjshme dhe konkurrencë të drejtë.