Komuna e Prishtinës ka bërë thirrje që qytetarët të kenë kujdes të kalojnë nëpër disa rrugë për shkak të erërave të fuqishme.
Rrugët për të cilat është bërë thirrje për kujdes janë rreth objektit të komunës së re në lagjen “Arbëria” deri sa të bëhet sanimi i plotë dhe evitimi i rrezikut në kulmin e ndërtesës.
“Për shkak të erërave të fuqishme që po mbizotërojnë në Kryeqytet, ju bëjmë thirrje të keni kujdes gjatë lëvizjes, e në veçanti në rrugët ‘Ardian Krasniqi’, ‘Radovan Zagoviq’ dhe ‘Nora e Hotit’ të cilat gjenden në lagjen ‘Arbëria’ rreth objektit të Komunës së re deri në sanimin e plotë dhe evitimin e rrezikut në kulmin e ndërtesës”, thotë njoftimi i komunës.
Ndryshe, më 18 janar, një vajzë mbeti e lënduar rëndë nga kulmi që ra nga ky objekt.
