Gazetarja hulumtuese Alberta Hashani dhe kameramani Dituron Aliu janë kërcënuar sot me jetë nga një shitës i mallrave ilegale.
Fillimisht, kameramanit Aliu i është dërguar mesazh kërcënues, duke i thënë se i ka borxh një gjak.
“Komt.qet..shum.shpet.umk.pre.bes.um.ki.borq.ne.qak”, thuhet në mesazh.
Ndërsa, më pas i njëjti ka telefonuar gazetaren Hashani duke u shprehur se atë se bashku më kameramanin do i fur në bander.
“Unë ty ka me të gjete edhe atë djalin, ka me iu fur në tel në bander, ka me iu fur. A po ninë, a po ninë o idiota”, është shprehur ai në telefon.
Asociacioni i Gazetarëve të Kosovës është thellësisht i shqetësuar me këtë raportim të kolegëve, dhe fton Policinë e Kosovës dhe organet e drejtësisë që të trajtojnë rastin sa më parë.
