Policia e Kosovës ka evakuuar të gjithë deputetët, stafin e Kuvendit dhe gazetarët nga ambientet e Kuvendit të Kosovës, pas një telefonate anonime që lajmëronte për një kërcënim me bombë.
Ngjarja ka ndodhur para pak çastesh, ndërsa forcat e sigurisë kanë ndërmarrë menjëherë masat për të garantuar sigurinë dhe për të hetuar rreth rastit.
Burime për KosovaNews bëjnë të ditur se alarmi është dhënë pas një telefonate të dyshimtë, që paralajmëronte për praninë e një mjeti shpërthyes në ndërtesën e Kuvendit.
KosovaNews do t’ju mbajë të informuar në vijim për çdo zhvillim të ri lidhur me këtë situatë.
