Brenda 24 orëve të fundit, Policia e Kosovës ka ndërmarrë disa aksione në rajone të ndryshme të vendit, duke rezultuar me zbulimin dhe konfiskimin e armëve të ndryshme zjarri, në kuadër të hetimeve lidhur me veprën penale të armëmbajtjes pa leje.
Në fshatin Krushë e Vogël të Prizrenit, njësitet policore gjatë një kontrolli në shtëpinë dhe objektet përcjellëse të një të dyshuari kanë gjetur dhe konfiskuar një armë zjarri. Pas intervistimit, në konsultim me prokurorin, i dyshuari është liruar dhe rasti do të procedohet në procedurë të rregullt.
Edhe në fshatin Shkabaj të Prishtinës, gjatë një kontrolli në veturën e një të dyshuari është gjetur dhe konfiskuar një pistoletë me 12 fishekë. Edhe pse arma ishte me leje, ajo është konfiskuar për efekt të hetimeve. Me urdhër të prokurorit është iniciuar lënda, ndërsa i dyshuari është liruar në procedurë të rregullt.
Gjithashtu në fshatin Polac të Skenderajt, është arrestuar një person i dyshuar pasi në veturën e tij është gjetur dhe konfiskuar një pistoletë me gjashtë fishekë. I dyshuari është intervistuar dhe me vendim të prokurorit është liruar, me rastin që do të procedohet më tej në mënyrë të rregullt.
Një tjetër rast është evidentuar në fshatin Skivjan të Gjakovës. Gjatë një kontrolli në shtëpinë e një të dyshuari mashkull kosovar, është gjetur dhe konfiskuar një pushkë ajrore dhe 23 copë fishekë. Pas intervistimit, me vendim të prokurorit i dyshuari është dërguar në mbajtje
