Inflacioni në Eurozonë në janar arriti në 8.5 për qind, sipas të dhënave paraprake të publikuara të mërkurën.
Eurozona pa rritje të konsiderueshme të çmimeve në vitin 2022, pasi pushtimi rus i Ukrainës rriti kostot e energjisë dhe ushqimit në të gjithë bllokun.
Megjithatë, inflacioni filloi të zbutet në fund të vitit 2022, duke treguar dy muaj radhazi inflacion në rënie. Në dhjetor, norma ishte 9.2 për qind.
Treguesi ekonomik po shikohet me vëmendje përpara vendimit të ri për normat që Banka Qendrore Evropiane duhet të shpallë të enjten. Inflacioni më i lartë ka bërë që BQE-ja të rrisë normat katër herë në vitin 2022 dhe pritshmëritë e tregut tregojnë për të paktën dy rritje të tjera në mbledhjet e ardhshme.
Energjia mbeti shtytësi më i madh i kostove në janar, por u reduktua sërish në krahasim me nivelet e mëparshme.
Tarifat e energjisë ranë në rreth 17.2 për qind në janar, nga 25.5 për qind në dhjetor. Megjithatë, kostot e ushqimit u rritën pak nga 13.8 për qind në dhjetor në 14.1 për qind në janar.
