Nicolo Barella është përmendur në listën e futbollistëve që luajnë bate sportive nga media italiane “La verita”, teksa i menjëhershëm ka qenë reagimi i mesfushorit italian të Interit.
Nëpërmjet një postimi në rrjetet sociale, Barella deklaroi se nuk ka asgjë të vërtetë në atë që thuhet në media dhe paralajmëroi se do të ngrejë padi ndaj tyre për shpifje.
“Nga një gazetë që quhet ‘La Verita – E vërteta’ pritet më shumë seriozitet. E vërteta e vetme është që jeni disa palaço. Kam qëndruar i heshtur për shumë kohë, pavarësisht gjithë atyre që janë thënë për mua. Nuk më kanë pëlqyer kurrë lojërat e fatit, aq më tepër bastet sportive dhe mbi të gjitha për punën time. E vetmja gjë që më intereson është të mbroj vajzat e mia dhe familjen time nga i gjithë ky m.., ndaj do të nis rrugët ligjore”, shkroi mesfushori i Interit.