Demë Shehu nga Juniku, anëtar i grupit “Kumanova”, i cili u dënua me burgim të përjetshëm, ka publikuar disa fotografi nga kopshti brenda hapësirave të burgut në Maqedoninë e Veriut, ku po e vuan dënimin.
Në një postim në Facebook, Shehu thotë se “kjo tokë është shqiptare dhe e bekuar nga i lumi Zot, e tregon fakti se këtu mbinë të gjitha llojet e perimeve”.
Postimi i plotë:
“Se kjo tokë është Shqiptare dhe e bekuar nga i lumi Zot,e tregon fakti se këtu mbinë të gjitha llojet e perimeve.
Kjo tokë e bekuar shqiptare, e ka ngjajshmërin me fushat e Myzeqes!
Kudo që të jemi ,kurrë nuk do të rreshtim së mbjelluri farat e çlirimit të tokave tona Ilire-Arbërore-Shqiptare!” (sic), ka shkruar Shehu, transmeton Telegrafi.
Gjykata Themelore e Shkupit ka dënuar me gjithsej 746 vjet burg pjesëtarët e grupit të Kumanovës, të akuzuar për terrorizëm për ngjarjet e 9 dhe 10 majit të vitit 2015.
Për veprën terrorizëm ishin akuzuar gjithsej 37 persona, prej të cilëve 7 me burg të përjetshëm. Të dënuarit me burgim të përjetshëm janë: Andi Krasniqi, Dem Shehu, Fadil Fejzullahu, Nasuf Zeqiri, Valdet Zekaj, Bek Bajra dhe Fejzulla Rushitovski.
Trembëdhjetë janë dënuar me nga 40 vjet burg: Esat Kafegjolli ,Adrian Bujari,Shefqet Hallaqi, Betim Kabashi, Genti Sefaj, Enver Hoxha-Klajn , Rufki Dogani, Bajram Elshani, Nexhmedin Lika, Lirim Krasniqi, Sevdail Miftari dhe Fatmir Recica.
Përderisa 6 prej 37 të akuzuarve janë dënuar me nga 20 vjet burg. Ndërsa katër të akuzuar janë liruar si të pafajshëm. /Telegrafi/
