Ambasadori i Shteteve të Bashkuara të Amerikës në Kosovës, Jeffrey Hovenier, i ka uruar mirëseardhje Zëvendës Ndihmës Sekretarit amerikan, Alexander Kasanof për vizitën e tij të parë zyrtare në Kosovë dhe rajon.
Hovenier tha se presin një vizitë produktive të Kasanofit, duke treguar mbështetjen afatgjate amerikane për popullin e Kosovës.
“Presim një vizitë produktive duke treguar mbështetjen tonë afatgjate për popullin e Kosovës, për të adresuar shqetësimet e përbashkët dhe duke kërkuar të arrijmë përparim në rrugën evropiane të Kosovës, si një shtet sovran, i pavarur dhe multientik”, shkroi Hovenier.
Kasanof po qëndron për herë të parë në Kosovë prej kur u emërua Zëvendës Ndihmës i sekretarit për Ballkanin Perëndimor, ka njoftuar Departamenti amerikan i Shtetit.
I dërguari special i Shteteve të Bashkuara të Amerikës, për Ballkanin Perëndimor, Aleksader Kasanof, është pritur të enjten nga presidentja e Kosovës, Vjosa Osmani.
Ai pritet ta takojë edhe kryeministrin Albin Kurti si dhe të zhvillojë takime me përfaqësues të partive politike.
