Kryetari i Partisë Socialdemokrate, Dardan Molliqaj, të mërkurën është arrestuar nga Policia e Kosovës në protestën kundër kryetares së Gjykatës Speciale, Ekaterina Trendafilova.
Përveç Molliqajt, Policia ka arrestuar edhe pesë aktivistë tjerë të kësaj partie, si: Nol Nushi, Zgjim Hyseni, Korab Korqa, Agron Kabashi dhe Gent Brahimi.
Forca të shumta policore kanë “blinduar” ambientin ku po mbahet konferenca e Trendafilovas me shoqërinë civile.
Gjatë protestës, është hedhur edhe gaz lotsjellës e shpërthyese nga aktivistët e PSD-së brenda ambientit ku planifikohej të mbahej takimi.
