Ministrja e Drejtësisë, Albulena Haxhiu në një konferencë për media pas mbledhjes së Qeverisë së Kosovës ka folur për kërkesën që Prokuroria Speciale e Republikës së Kosovës ka dorëzuar në Gjykatën Themelore që kryeministri Albin Kurti, të paraqitet në PSRK për të dhënë dëshminë në cilësinë e dëshmitarit lidhur me rastin e rezervave shtetërore.
Ministrja Haxhiu ka theksuar se sa i përket thirrjes së Prokurorisë Speciale kryeministri Kurti asnjëherë nuk ka refuzuara kërkesën që të jap dëshminë e tij në raport me kërkesën që ka Prokuroria Speciale.
“Kryeministri Kurti i ka ftuar prokurorët që të vijnë në Zyrën e tij në kryeministri që të jap dëshminë e tij, por që prokuroria nuk duket që është e interesuar për ta marr dëshminë e kryeministrit Kurti sepse ka pas disa mundësi, disa data që ka propozuar kryeministrit Kurti dhe nuk ka ardhur për ta marr dëshminë”, ka deklaruar ajo.
Pas miratimit të linjës telefonike emergjente, Haxhiu thotë se viktimat do marrin ndihmë të menjëhershme
Ministrja e Drejtësisë, Albulena Haxhiu, e ka vlerësuar të rëndësishëm Projekt-udhëzimin Administrativ për Linjën Telefonike Emergjente për Viktimat e Dhunës në Familje, Dhunës ndaj Grave dhe Dhunës në Baza Gjinore.
Haxhiu ka thënë se viktimat kanë nevojë për reagim të shpejtë dhe efikas të institucioneve të shtetit dhe tha se linja telefonike emergjente ofron “ndihmë të menjëhershme në situata emergjente”.
“Linja emergjente, të specializuar që ofron mbështetje të menjëhershme, të qasshme, të sigurt, konfidenciale për viktimat e dhunës në familje, dhunës ndaj grave dhe dhunës në baza gjinore. Linja telefonike emergjente shërben si pikë kontakti ndërlidhëse në nivel qendror dhe ofron mundësinë që viktimat dhe qytetarët që rastet e ndërlidhura me dhunën në familje, dhunën ndaj grave dhe dhunën me bazë gjinore”, ka deklaruar Haxhiu.
