Zëvendëspresidentja amerikane, Kamala Harris, ka fituar mjaftueshëm mbështetje për të fituar nominimin e demokratëve për garën presidenciale.
Zëvendës-presidentja Kamala Harris ka tërhequr mbështetjen e mjaft delegatëve demokratë për t’u bërë kandidatja e partisë për president, raporton CBS News.
Ndërsa një sondazh nga Associated Press të hënën në mbrëmje rezultonte se zonja Harris kishte marrë miratimin e më shumë se 1,976 delegatëve të nevojshëm për të fituar nominimin në raundin e parë të votimit.
Harris ka thënë se është “krenare” që kishte siguruar mbështetje të gjerë” dhe mezi po priste të pranonte zyrtarisht nominimin.
Delegatët janë njerëz që zgjidhen për të përfaqësuar zonën e tyre zgjedhore në Konventën Kombëtare Demokratike (DNC), që është ngjarja kryesore e emërimit të partisë.
Miratimet e tilla nuk janë të detyrueshme, por nëse totali sigurohet nga tani dhe kur delegatët hedhinvotat e tyre, të planifikuara për t’u bërë nga 1 deri në 7 gusht, Harris do të merrte zyrtarisht nominimin e partisë.
Që nga tërheqja e Biden, miliona dollarë donacione janë derdhur në fushatën e saj dhe demokratët kryesorë janë rreshtuar për të mbështetur ofertën e saj si kandidate demokrate.
Duke folur me stafin në selinë e fushatës së saj në Wilmington, Delaware, të hënën në mbrëmje, Harris i tha stafit të fushatës: “se kanë 106 ditë deri në ditën e zgjedhjeve dhe se mbetet një punë e vështirë për tu bërë”.
