Kryetari i AAK-së, Ramush Haradinaj përmes një postimi në llogarinë e tij në Facebook, ka bërë të ditur se sot ka zhvilluar një takim me Presidentin e Republikës së Shqipërisë, Bajram Begaj.
Ai shtoi se në këtë takim kanë biseduar lidhur me situatën politike në rajon dhe temat që kanë interes të përbashkët për të dy vendet.
Haradinaj po ashtu ka shprehur gatishmërinë për një bashkëpunim në shërbim të interesit të përbashkët kombëtar.
“Bashkëpunimi bilateral mes dy vendeve dhe sinqeriteti në bashkëpunim me aleatët tonë të sigurisë të prirë nga Shtetet e Bashkuara të Amerikës është më jetik se asnjëherë më parë” shkroi tutje Haradinaj. /KosovaNews/
