“Ngarkimi i forcës ndërkombëtare me detyra dhe role brenda Rripit të Gazës, përfshirë çarmatosjen e rezistencës, ia heq asaj neutralitetin dhe e shndërron në një palë të konfliktit në favor të pushtimit”, thotë grupi palestinez.
Hamas kundërshton miratimin e KS-OKB-së së rezolutës së hartuar nga ShBA-ja për Gazën
Hamas kundërshton miratimin e KS-OKB-së së rezolutës së hartuar nga ShBA-ja për Gazën
2 orë më parë
Grupi palestinez Hamas kundërshtoi të hënën miratimin nga Këshilli i Sigurimit i OKB-së të një rezolute të hartuar nga ShBA-ja, që autorizon një Bord Paqeje dhe një Forcë Ndërkombëtare të Stabilizimit (ISF) në Rripin e Gazës.
“Rezoluta vendos një mekanizëm kujdestarie ndërkombëtare mbi Rripin e Gazës, të cilin populli ynë dhe fraksionet e tij e kundërshtojnë,” tha grupi në Telegram.
Deklarata erdhi menjëherë pasi rezoluta u miratua me 13 vota pro, ndërsa Rusia dhe Kina abstenuan.
“Ngarkimi i forcës ndërkombëtare me detyra dhe role brenda Rripit të Gazës, përfshirë çarmatosjen e rezistencës, ia heq asaj neutralitetin dhe e shndërron në një palë të konfliktit në favor të pushtimit”, shtoi grupi.
Muajin e kaluar, Izraeli dhe Hamasi pranuan fazën fillestare të planit 20-pikësh të Presidentit amerikan Donald Trump për Gazën, një armëpushim për t’i dhënë fund luftës dyvjeçare dhe një marrëveshje që parashikon lirimin e pengjeve.
