Shtëpia e një bashkatdhetari që jeton në Shtetet e Bashkuara të Amerikës ka qenë cak i hajnave.
Ky rast ka ndodhur në fshatin Begracë të komunës së Kaçanikut.
Atij i janë vjedhur stoli të arit në vlerë prej 39 mijë eurosh.
Kështu deklaroi zëdhënës i policisë për rajonin e Ferizajt.
“Janë vjedhur disa gjëra, si një pistoletë, stoli ari dhe orë dore. 39 mijë euro është vlera sipas ankuesit”, tha Kanun Veseli.
Ai shtoi se me urdhër të Prokurorit të Shtetit, rasti është iniciuar ‘Vjedhje e rëndë’, ndërsa veprimet tjera ligjore do merren posa të kapen të dyshuarit.
