Nuk është hera e parë që Barcelona interesohet për Erling Haaland dhe as që ka kontakte mes dy palëve.
Në verën e vitit 2022, përpara se Robert Lewandowski të përfundonte te katalonasit dhe sulmuesi norvegjez të largohej nga Borussia Dortmund për në Manchester City, Barça tashmë u përpoq të nënshkruante me Haaland.
Në fakt, ai filloi kontaktet më 1 prill 2021, kur babai i tij dhe agjenti i tij në atë kohë, Mino Raiola, udhëtuan drejt Barcelonës me një avion privat për të mësuar rreth projektit sportiv të Barçës, përpara se të fluturonin për në Madrid të njëjtën pasdite.
Të nesërmen kanë udhëtuar drejt Anglisë, ku kanë vizituar edhe Manchester Cityn, Manchester Unitedin, Chelsean dhe Liverpoolin.
Megjithatë, situata delikate ekonomike e klubit katalanas e bëri të pamundur kryerjen e operacionit.
Megjithatë, dera e Barçës mbeti gjithmonë e hapur për Haaland dhe muajin e kaluar pati një qasje të re, me vizitën e agjentes së tij aktuale, Rafaela Pimenta, në Barcelonë, ku u takua me drejtorin aktual sportiv të Barçës, Deco.
