Kryetarja e Guxo-s, Donika Gërvalla, ka njoftuar se partia e saj do t’i hyjë garës për zgjedhje lokale me katër kandidatë për kryetarë komunash.
Nga radhët e Guxo-s kandidojnë 207 kandidatë për asambletë e komunave të Republikës së Kosovës.
“Me këtë përfaqësim dinjitoz, Guxo synon të sjellë më shumë zhvillim, më shumë transparencë, llogaridhënie, integritet, kreativitet dhe energji të re në qeverisjen komunale, duke e kthyer besimin dhe mendimin e qytetarëve në qendër të vendimmarrjes” shkroi Gërvalla, në një postim në Facebook.
Ajo u shpreh se ekipi i Guxo-s është me njerëz të përgatitur e të përkushtuar, që vijnë nga profile të ndryshme profesionale dhe shoqërore.
Ky është njoftimi i plotë i saj:
Në Zgjedhjet Lokale të 12 Tetorit, Partia Guxo garon me 4 kandidatë për kryetarë komunash dhe 207 kandidatë për asambletë komunale.
Ekipi ynë është plot me njerëz të përgatitur dhe të përkushtuar, që vijnë nga profile të ndryshme profesionale e shoqërore, por kanë të njëjtin vizion, për komunitetin e tyre, për komunën e tyre, për Kosovën tonë.
Me këtë përfaqësim dinjitoz, Guxo synon të sjellë më shumë zhvillim, më shumë transparencë, llogaridhënie, integritet, kreativitet dhe energji të re në qeverisjen komunale, duke e kthyer besimin dhe mendimin e qytetarëve në qendër të vendimmarrjes.
12 Tetori do të jetë dëshmia se guximi, përkushtimi e vendosmëria për punë të mira e qëllime të drejta shpërblehet me fitore.
Suksese të gjithëve e na priftë e mbara!
