Pep Guardiola ka zbuluar se çfarë ka ndryshuar Erling Haaland këtë verë në mënyrë që të bëhet edhe më i mirë këtë sezon.
Të shtunën, Haaland e vazhdoi formën e tij të jashtëzakonshme në këtë fillim të sezonit, duke shënuar het-trik në fitoren me rezultat 3-1 ndaj West Hamit.
24-vjeçari tani numëron shtatë gola në tri takime të luajtura, pasi ka shënuar ndaj Chelseat në xhiron hapëse dhe pastaj një het-trik në fitoren me rezultat 4-1 ndaj Ipswich Town.
Me 70 gola të shënuar në 69 ndeshje në Ligën Premier, Haaland padyshim është njëri prej sulmuesve më të mirë që ka zbarkuar në Angli.
Guardiola hezitoi që të flasë për vështirësitë e Haaland gjatë sezonit, por më herët këtë verë zbuloi se ylli norvegjez nuk ishte në formë optimale sezonin e kaluar.
“Pas sezonit 2022/2023, ai pati vështirësi, ndoshta për shkak se nuk ka pasur shumë pushim”, ka thënë fillimisht Pep.
“Më kujtohet në fillim kur më thoshte, ‘Jam ende i lodhur, nuk kam më fuqi’”.
“Ai qëndron rreth 20 minuta ose gjysmë ore pas seancës stërvitore dhe praktikon finishin e aksioneve, kontrollin e topit dhe pasimet e shkurta”, ka zbuluar Guardiola.
“Sezonin e kaluar, ai as edhe një herë nuk e bëri këtë (punë shtesë), sepse nuk ndihej mirë. I lodhur, i mërzitur, shumicën e sezonit”, përfundoi 53-vjeçari.
