Një gruaje i është amputuar këmba në një aeroport në Tajlandë pasi u bllokua nga shkallët lëvizëve të enjten.
Pasagjerja 57-vjeçare tajlandeze do të hipte në një fluturim në mëngjes nga aeroporti Don Mueang i Bangkokut kur u kap nga vendkalimi në Terminalin 2. Ekipit mjekësor iu desh që t’ia amputonte këmbën, raportoi Guardian.
“Në emër të aeroportit ndërkombëtar Don Mueang, dëshiroj të shpreh keqardhjen time më të thellë në lidhje me aksidentin”, ka thënë drejtori i aeroportit, Karun Thanakuljeerapat. “Unë do të doja t’u siguroja se asnjë aksident i tillë nuk do të ndodhë përsëri”.
Ai ka thënë se aeroporti do të marrë përgjegjësinë për koston mjekësore të gruas dhe se do të jetë i hapur për kompensim.
