Mbrojtësi italian Giovanni Leoni nga Parma pritet të mbërrijë sot në Liverpool për t’iu nënshtruar testeve mjekësore dhe për të firmosur kontratën me klubin anglez.
Sipas gazetarit Fabrizio Romano, lojtari udhëton me agjentin e tij dhe marrëveshja me Liverpoolin është arritur plotësisht. Lajmi për përfundimin e transferimit u bë i ditur dje.
Tarifa e transferimit raportohet të jetë 35 milionë euro, me Parmën që do të marrë 10% nga çdo shitje e ardhshme e lojtarit.
Sezonin e kaluar, Leoni luajti 17 ndeshje dhe shënoi një gol për Parmën.
Ky transferim pritet të forcojë mbrojtjen e Liverpoolit dhe të shtojë konkurrencë në repartin defensivë të skuadrës.Për Leonin interesim kishin shfaqur edhe Roma, Inter, Milan dhe Juventus, megjithatë Liverpooli ishte më i shpejtë për ta kompletuar transferimin e Leonit.
