Ministrja e Jashtem në detyrë e Kosovës, Donika Gërvalla Schwarz, në margjinat e Konferencës për Siguri në Mynih ka takuar gjeneralin Carsten Breuer, shef i Mbrojtjes në Gjermani, me të cilin ka biseduar për forcimin e mbrojtjes dhe rritjen e bashkëpunimit në këto fusha të rëndësishme.
Përmes një shkrimi në ‘Facebook’, Gërvalla bëri të ditur se kërcënimet hibride, sulmet kibernetike dhe rreziku ndaj infrastrukturës kritike nuk janë vetëm sfida të një shteti, ato kërcënojnë stabilitetin e mbarë rajonit.
“Kosova kontribuon fuqishëm në sigurinë rajonale, në partneritet me aleatët tanë, duke forcuar ushtrinë, rritur gatishmërinë dhe mbrojtur kufijtë nga çdo kërcënim”, është shprehur Gërvalla.
Tutje, ajo theksoi se kur siguria cenohet, preken ekonomia, institucionet dhe jeta e përditshme e qytetarëve tanë.
