Sulmuesi i Manchester United dhe Kombëtares së Argjentinës, Alejandro Garnacho, ka fituar Çmimin e FIFA-s “Puskas 2024” për golin më të mirë të vitit në ceremoninë e mbajtur në Doha.
Më 26 nëntor 2023 teksa United po luante ndaj ndaj Everton në Premier League, Garnacho kishte e mahnitur publikun me realizimin e një goli në stilin roveshatë.
Argjentinasi ka fituar në votim, duke lënë pas golat e shënuar nga Yassine Benzia dhe Denis Omedi.
“Ishte diçka që e kisha provuar shumë herë në stërvitje”, ka thënë Garnacho për FIFA-n. “Mendova me vete: ‘Ky është momenti për ta provuar,’ dhe funksionoi në mënyrë perfekte”.
Çmimi, që mban emrin e legjendës hungareze Ferenc Puskas, ka vlerësuar golin më të jashtëzakonshëm në futbollin ndërkombëtar për periudhën 21 gusht 2023 deri më 10 gusht 2024.
