Mbrojtësi i djathtë i Bayer Leverkusen, Jeremie Frimpon është lënë jashtë skuadrëës së Holandës pasi që është dënuar, ka thënë trajneri Ronald Koeman.
Koeman shpalli listën e tij për dy ndeshjet kualifikuese për Euro 2024 kundër Greqisë dhe Irlandës por 22 vjeçari u la jashtë pavarësisht paraqitjeve shumë të mira për Leverkusen.
Koeman është pyetur për këtë mungesë të hënën dhe ai ka konfirmuar që vendimi është marrë brenda Federatës së Futbollit të Holandës (KNVB) për shkak se ai kishte refuzuar t’i përgjigjet thirrjeve të Kombëtares U 21.
“Ne nuk jemi të lumtur më të pasi që ai u largua nga U 21, ne mendojmë se ai duhet të jetë gati gjithmonë. Por, në KNVB na është thënë se ai nuk është gati për këtë periudhë. Është detyrë e jotja si një futbollist që të luash për Kombëtare… shikojeni këtë si një lloj dënimi”, tha Koeman në konferencë për shtyp.
Frimpong ende nuk e ka bërë debutimin për skuadrën senior të Holandës dhe nuk është ftuar në skuadër që nga viti i kaluar. Ish futbollisti i Celticut dhe Manchester City është paraqitur gjashtë herë për skuadrën U21 të Holandës, por nuk ka qenë pjesë e tyre në gjashtë ndeshjet e fundit.
Skuadra e Koeman do ta presë Greqinë më 7 shtator para se të përballet me Irlandë tri ditë më pas.
