Fondi i Kosovёs pёr Efiçiencё tё Energjisё, njofton se kanë përfunduar punimet në Qendrën e Kulturës në Mitrovicë, e cila është 1 nga 8 ndërtesat e sektorit publik në Mitrovicë, në të cilat FKEE ka implementuar masat e efiçiencës së energjisë (MEE).
Fondi i Kosovёs pёr Efiçiencё tё Energjisё, bënë të ditur se në kuadër të punimeve janë realizuar: Termoizolimi i mureve, ndërrimi i dritareve dhe dyerve të jashtme, termoizolimi i çatisë së rrafshët, vendosja e ndriçimit LED dhe sistemi i ri i ngrohjes me pelet.
“Këto masa me kosto rreth 700 mijë euro, do të ndikojnë në kursim të energjisë deri në 66% dhe zvogëlim të emetimit të CO2 rreth 511 tonë për vit. Përfitues nga ky investim janë qytetarët e Mitrovicës dhe mbi 10 organizata joqeveritare, shoqata të profileve të ndryshme e shkolla baleti e muzike. Me përfundimin e këtij projekti shënohet edhe përfundimi i investimit në MEE në të gjitha ndërtesat e sektorit publik komunal, tek të cilat FKEE ka investuar sipas programit të bashkëfinancimit nga Qeveria e Republikës së Kosovës, Banka Botërore dhe Bashkimi Evropian”, thuhet në njoftimin e Fondit të Kosovёs pёr Efiçiencё tё Energjisё.
Deri tani, Komuna e Mitrovicës është përfituese e rreth 3.1 milion euro nga investimet e FKEE-së në sektorë të ndryshëm: 2.3 milionë eiuro, si investim përmes skemës kthyese, në 8 ndërtesa publike me rreth 2600 përfitues direkt.
“300 miëj euro si subvencionim prej 45% deri 50% për investime në rreth 80 shtëpi individuale me rreth 400 përfitues direkt, 500 mijë euro, si vlerë e parashikuar për investim në 2 ndërtesa kolektive sociale me rreth 200 përfitues direkt, përmes bashkëfinancimit 90% nga FKEE dhe 10% nga komuna. Përkrahja e të gjitha komunave dhe gjithë qytetarëve në rritjen e komoditetit dhe në kursim të energjisë, është pritoritet i FKEE-së”, njofton Fondi i Kosovёs pёr Efiçiencё tё Energjisё.
