Futbollisti danez, Christian Eriksen, ka deklaruar se dëshiron të kthehet në vendlindje me familjen kur ta ketë vendosur përfundimin e karrierës.
Edhe pse ka kaluar pothuajse njëzet vjet duke luajtur për disa nga klubet më të mëdha evropiane, Eriksen ka mbajtur një lidhje të fortë me Danimarkën. Ai aktualisht jeton në Gjermani me familjen e tij, pasi këtë verë nënshkroi kontratë me Wolfsburg deri në vitin 2027. Por e ardhmja e tij pas futbollit do të jetë në vendin e lindjes.
“Danimarka është shtëpia jonë. Atje mund të jemi në paqe dhe të jetojmë normalisht”, ka thënë ai në një intervistë për “Wolfsburger Allgemeine”.
Ai ka shtuar se danezët e duan futbollin, por gjithashtu respektojnë privatësinë e individëve. Eriksen ka lënë Odense si gjashtëmbëdhjetë vjeçar kur kishte nënshkruar me Ajax, duke nisur rrugëtimin e tij të gjatë në futbollin evropian.
