Kryeministri i Kosovës, Albin Kurti në mbledhjen e Qeverisë, sot njoftoi për lirimin e katër policëve të Kosovës, të arrestuar dje nga policia serbe ndërkohë njoftoi se vazhdon të mbetet në paraburgim zëvendësdrejtori i Policisë së Kosovës, Dejan Jankoviq i cili u dërgua në Rashkë.
Ndërkohë burime të KosovaNews bëjnë të ditur se në këto qaste është liruar në Beograd, edhe zv Drejtori i Policisë së Kosovës Dejan Jankoviq.
Kujtojmë se vazhdon të mbetet në paraburgim një qytetar i Kosovës nga Gjakova i cili u arrestua dje nga policia serbe në kufirin mes Serbisë dhe Hungarisë.
Bëhet fjalë për Sadik Durakun nga fshati Damjan i Komunës së Gjakovës i cili jeton në Angli. Duraku po vinte nga Anglia në drejtim të Kosovës dhe përderisa ka kaluar kufirin Hungarez është ndalur për tu marrë në pyetje nga policia kufitare serbe dhe më pas është dërguar në Beograd ku pritet të dal nesër para gjykatës.
Arrestimi i policëve serb të Kosovës duke përfshirë edhe zv.drejtorin e policisë kishte ngjallur reagime të shumta si nga faktori vendor po ashtu edhe nga faktori ndërkombëtar.
