Drejtoria për Hetimin e Krimeve Ekonomike dhe Korrupsionit e cila operon në kuadër të Policisë së Kosovës gjatë ditës së sotme ka arrestuar 4 persona.
Sipas burimeve të KosovaNews bëhet fjalë për dy zyrtarë të lartë të cilët punojnë në Ministrinë e Punëve të Brendshme dhe pronarin e një kompanie ndërtimore së bashku me menaxherin e kësaj kompanie.
Kosovanews merr vesh se bëhet fjalë për një zyrtar të prokurimit publik në MPB dhe një zyrtarë të lartë (inxhinier) për ndërtime.
Rasti ka të bëjë me ndërtimin e dy objekteve shtetërore të cilat janë ndërtuar në Komunën e Ferizajit për nevoja të Institucioneve shtetërore ku personat zyrtarë në bashkëpunim gjatë realizimit të disa procedurave tenderuese dhe realizimit të projekteve në MPB, kanë marrë ryshfet nga operatori ekonomik i kontraktuar për kryerjen e projekteve.
